«D’Joffer Marie-Madeleine, frësch verléift»

Eng musikalesch Geschicht − nei erzielt!

mat de Militärmusek

Direktioun: Jean Thill

a mat de Solisten:

Véronique Kinnen, Diane Juchem Sopran

Fernand Delosch, Al Ginter Tenor

Luc Nilles Baryton

Konzept an Inzeenéierung: Nadine Ewerling

E Concert mat zeenischen Iwwergäng mat enger Auswiel vun bekannten Operettenevergreens : «Ja das Studium der Weiber ist schwer», «Lippen schweigen», «Da geh’ ich ins Maxim»,.... an awer och Lëtzebuerger Lidder wéi: «Et gi vill schéi Rousen», «Gëff mer eng Beess», «Marie-Madeleine»,... Dobäi geselle sech déi eng oder aaner reng instrumental Stécker, Ouvertüren oder Interlüden.

Wie kennt se net? Wien huet net scho mat hinne gedreemt, gelaacht oder och emol eng Tréin an d’A kritt? Mat de wonnerschéine Melodien aus de Fiedere vu Lehar, Dicks, Offenbach, Beicht, Benatzky, Stolz an aneren.

Loosst iech entféieren an d’Dramwelt vun der Operett a begéint de Figuren aus dem Vogelhändler, Carmen, der Mumm Séiss, der Lustigen Witwe, dem Scholdschäin an aus aneren däitschen a lëtzebuergesche Wierker.

Verbréngt en onvergiesslechen Owend mat bekannte Figuren aus der Däitscher an der Lëtzebuerger Operettewelt. Daucht an an d’Geschicht vum Marie-Madeleine, begleet hatt op der Sich no sengem Gléck a freet iech op en onerwaartent Happy-end.

Report abuse