AGP Drum Events 2000-2006

Al Ginter Percussion hat vun 2000-2006 am ganze 7 Drum Eventen mat internationalen an nationalen Drummer- a Perkussionistegréissten op d'Bee gestallt. En Event wat zu Lëtzebuerg bis elo net ze fannen ass. Ënnert dem Impuls vum Serge Kieffer an dem Tom Lehnert konnt d'Equipe vun "Al Ginter Percussion" all Joer engem groussen avertéierte Publikum eng Drumshow vun absoluter Weltklass ubidden. Bei all Event war och eng Drummerin vertrueden, wat net ëmmer esou evident ass an enger Drummerwelt, déi awer méi vun de Männer besat ass. Dat gëllt natierlech éischter fir de modernen, an net fir de klassesche Beräich. Do ass d'Situatioun ganz anescht.