Ginta Fiesta Orchesta
Wann de “Ginta Fiesta Orchesta” opgespillt huet, dann housch et matsangen, matdanzen oder einfach nëmmen nolauschteren a sech ameséieren.
Eng lëtzebuergesch Traditiounsband, déi Ufank den 80er Joren als "Jang Linster Orchester" an der Fuesend, a virun allem zu Echternoach op der RTL Fiesta all Joer mat groussem Erfolleg ogetratt ass. De Jang Linster hat de Grondsteen zu dëser Formatioun viru méi wéi 20 Joer geluecht an duerfir ass et kee Wonner, datt am Repertoire vill erfollegräich Produktiounen aus dem Fréisenger Studio ze fanne waren.
Awer net nëmmen, och nei Arrangementer stoungen um Programm. Duerfir war d’Band säit ville Joren um Rendez-vous op der Eechternoacher Foasicht (RTL Fiesta). Am Ufank war de Fausti de Sänger vum Jang Linster Orchester, awer 2008 koum et dunn zum Wiessel wéi de Fausti an och de Jang Linster net méi matgespillt hunn. D'Band gouf ënnert dem Impuls vum Jos Schockmel weidergefouert. E puer Joer méi spéit huet den Al Ginter als Sänger a Perkussionist dës Stëmmungsband ënnert dem Numm "Ginta Fiesta Orchesta" iwwerholl an eréischt laang Joeren duerno 2017 definitiv ogehalen.
De Ginta Fiesta Orchesta 2008 zu Echternoach
2016 am Cercle
"Den “Ginta Fiesta Orchesta” war eng grouss Museksgrupp, déi aus 14 Top-Museker aus dem Grand-Duché bestoung an exklusiv Lëtzebuerger Musek, respektiv Lidder mat lëtzebuergeschen Texter gespillt huet.
Et ass onméiglech alleguer d'Museker a Musikerinnen, déi am Laf vun deenen iwwer 30 Joer matgewierkt hunn opzezielen, duerfir hei jüst déi, déi zum Schluss dobäiwaren.
Gesanglech gouf dern Al ënnerstëtzt duerch déi charmant Backgroundsängerinen Marion Welter a Bella Feltgen an instrumental begleet vun enger kompakter Rhythmusgrupp mam Carole Weber, Rom Heck, Tim Kleren, Gast Gnad an Erny Delosch. A mat engem voluminéisen a virtuéise Bléisersaz mat ofwiesselnd Claude Origer, Serguei Khmielevskoi, Patrice Lerech, Ernie Hammes, Serge Bausch oder Laurent Pierre huet den “Orchesta” et stilistesch fäerdegbruecht, tëschent traditionnellen, latäinamerikaneschen a méi modernen Arrangementer fléissend ofzewiesselen."
2014 zu Déifferdeng
leschten Optrëtt op der Plëss 24.06. 2018
op der Plëss 24.06.2014
2016 um Picadilly zu Briedemes
2008 Ernie Hammes, Serge Bausch, Jos Schockmel
D'Carole Weber an Aktioun
